Ari Júlíus Árnason Bassi
Brandur Daníel Hauksson Gítar
Stefán Ari Stefánsson Trommur
Þorbjörn Steingrímsson Gítar og söngur
Klístur er rúmlega 1 árs hljómsveit úr Kópavoginum sem var stofnuð af bekkjarfélögunum Brandi á gítar, Ara á bassa, Þorbirni sem söng og spilaði á gítar og Stebba á trommur. Þeir byrjuðu að semja tónlist með sóðalegt pönk í huga, en þar sem tveir aðal lagasmiðirnir voru síðhærðir metalhausar varð útkoman þéttari og þyngri en áætlað var.
Eftir að hafa samið 5 lög spiluðu þeir á sínum fyrstu tónleikum í Kópavogsskóla. Viðbrögðin voru misgóð. Eftir það komu þeir saman og löguðu lögin, hentu einu, bættu við öðru og auðvitað sömdu ný lög. En svo í sumar var þeim boðið að spila tvívegis á Menningarnótt, og voru viðbrögðin vonum framar. Þeir hafa einnig spilað á Akureyri ásamt fleiri stöðum en þeim var boðið að koma og spila þar ásamt þremur öðrum hljómsveitum í “Húsinu”.
